Ritstjórar heimspekitorgins fengu ábendingu frá hýsingaraðilanum, 1984.is, um að vefurinn hefði lent í klónum á hökkurum. Til að koma í veg fyrir frekari skaða lokaði hýsingaraðilinn tímabundið fyrir erlent aðgengi. Eftir að hafa hreinsað óværuna burt, notuðum við tækifærið og uppfærðum kerfið og útlitið. Það er mikilvægt fyrir okkur að vefurinn okkar virki sem skyldi og því viljum við leita til ykkar sem nota hann um að senda okkur ábendingar ef þið rekið augun í eitthvað grunsamlegt.
Námskeið með Emma og Peter Worley
Félag heimspekikennara í samstarfi við The Philosophy Foundation heldur námskeiðið HEIMSPEKI MEÐ BÖRNUM Í LEIK-, GRUNN- OG FRAMHALDSSKÓLA dagana 9.-10. ágúst 2018. Um tveggja daga vinnustofu er að ræða og allir eru velkomnir.
Staðsetning: Garðaskóli, Garðabæ
Tími: 9.-10. ágúst 2018, kl. 9-16 báða daga
Námskeiðsgjald: 32.000 krónur
Um námskeiðið:
Emma og Pete Worley frá The Philosophy Foundation koma til Íslands og halda tveggja daga „Stage 1“ námskeið þar sem farið er á dýptina í fræðum og framkvæmd heimspekilegrar samræðu með börnum og ungmennum. Námskeiðið er skemmtilegt og innihaldsríkt og hentar öllum kennurum, bæði þeim sem þegar hafa reynslu af kennslu í heimspeki og samræðu og algjörum byrjendum á þessu sviði. Námskeiðið er fyrir þá sem hafa áhuga á að kynnast og þróa færni sína í stjórnun heimspekilegrar samræðu. Continue reading Námskeið með Emma og Peter Worley
7. norræna ráðstefnan um heimspekilega ráðgjöf
Norræn samtök um heimspekilega ráðgjöf héldu sjöundu ráðstefnu sína í samstarfi við félag heimspekikennara í Íslandi vorið 2017. Ráðstefnan fór fram í Landakotsskóla auk þess sem hún teygði anga sína út á Reykjanesskagann. Dagskráin var nærandi og gestir sammála um að ráðstefnan hefði boðið til einstaklega gefandi samræðu.
Einn ráðstefnugesta var hin sænska Miriam van der Valk sem segir frá ferð sinni til Íslands og ráðstefnunni í afar skemmtilegu bloggi: http://www.filoprax.com/2017/06/25/7th-nordic-conference-on-philosophical-practice/.
The 8th Nordic Conference for Philosophical Practice
Norræn ráðstefna um heimspekilega ráðgjöf fer fram í Osló dagana 21. og 22. apríl næstkomandi. Kristian Guttesen verður fulltrúi okkar Íslendinga og flytur erindi á ráðstefnunni. Nánari upplýsingar um skráningu og fleira má nálgast hér: Invitation_8th Nordic Conference for Philosophical Practice
Aðalfundur 16. nóvember 2017
Aðalfundur félags heimspekikennara verður haldinn í Hannesarholti, Grundarstíg 10 í Reykjavík, fimmtudaginn 16. nóvember kl. 20-22.
Dagskrá fundarins:
- Heimspekikennsla á tímum tækninnar. Atli Harðarson og Ragnar Þór Pétursson flytja hugleiðingar. Samræða í kjölfarið.
- Hefðbundin aðalfundarstörf. Skýrsla stjórnar og reikningar verða lagðir fram. Stjórnin öll býður sig fram til áframhaldandi starfs en kallar eftir aðkomu fleiri félaga í ritstjórn Heimspekitorgsins.
Við hvetjum félagsmenn og aðra áhugasama til að mæta og taka þátt í mikilvægri ígrundun um heimspeki og menntun. Hannesarholt er opið frá hádegi og fram til kl. 22 á fimmtudögum. Fundurinn fer fram í veitingasal og gestir geta verslað í veitingasölunni.
Niðurfelling styrkja
Haustið 2015 tilkynnti Mennta- og menningarmálaráðuneytið að styrkir til fagfélaga yrðu alfarið felldir niður. Fulltrúar fagfélaga innan Kennarasambands Íslands komu saman síðastliðið vor og mótmæltu niðurfellingunni harðlega.
Ákvörðun ráðuneytisins var einhliða og með henni var fjárhagslegum grundvelli margra fagfélaga kippt í burtu. Félag heimspekikennara er í þessum hópi enda er félagið fámennt og hefur aldrei innheimt skráningargjöld. Mikið hefur gengið á sjóði félagsins og ljóst er að huga þarf betur að umsóknum um aðra styrki til að halda uppi námskeiðum og annarri starfsemi.
Norræn ráðstefna um praktíska heimspeki, 9.-10. júní 2017
Dagana 9.-10. júní stendur Félag heimspekikennara að norrænni ráðstefnu um praktíska heimspeki. Á ráðstefnunni verða haldnar gagnvirkar vinnustofur og fara þær allar fram á ensku.
Ráðstefnan, sem haldin verður á ensku, fer fram í húsakynnum Landakotsskóla, Túngötu 15 í Reykjavík, og er aðgangur að henni ókeypis, en nauðsynlegt er að skrá sig á skráningarsíðu ráðstefnunnar: https://heimspekitorg.is/events/the-7th-nordic-conference-on-philosophical-practice/
Dagskrá ráðstefnunnar verður sem hér segir:
Föstudagurinn 9. júní
kl. 16:30 – Ólafur Páll Jónsson – inngangsfyrirlestur:
Humanity as a layer: What is below?
kl. 17:15 Michael Noah Weiss – aðalfyrirlestur:
A Stoic imagery exercise about universal nature
kl. 18:00 – léttar veitingar
Laugardagurinn 10. júní
kl. 10:00 – Hildigunnur Sverrisdóttir – aðalfyrirlestur:
Philosophy and man-made environment
kl. 11:00 – kaffihlé
kl. 11:15 – Einar Kvaran – Philosophy, nature and flattery
kl. 12:15 – matarhlé
kl. 13:00 – Sigríður Þorgeirsdóttir – aðalfyrirlestur:
Philosophical practice and experiential, embodied knowledge.
Reflections on Eugene Gendlin´s method of philosophical practice
kl. 14:15 – kaffihlé
kl. 14:30 – Elsa Haraldsdóttir – Natural philosopher
– – – – – – – – – – – – – – – – – – – – – – – – –
kl. 15:30 – Farið í gönguferð
kl. 19:00 – Kvöldverður á Reykjanesskaga
Námskeið: Innleiðing heimspekilegrar samræðu í daglega kennslu
Laugardaginn 20. maí er námskeið í Garðaskóla á vegum Félags heimspekikennara. Breski heimspekikennarinn Jason Buckley leiðbeinir kennurum um hvernig þeir geta innleitt heimspekileg viðfangsefni og samræðu í daglega kennslu. Buckley er hress og býr til mjög flott kennsluefni, kallar sig Philosophy Man og er með vefinn: http://www.thephilosophyman.com/.
Námskeiðið kostar 10.000 krónur og stendur yfir milli kl. 9-16. Matur er innifalinn.
Skráning fer fram í gegnum netfangið heimspekikennarar@gmail.com.
Geðshræringar, skapgerð, sjálf og frelsi: Ráðstefna um heimspekileg viðfangsefni Kristjáns Kristjánssonar, 29. apríl
Staður: Háskóli Íslands, stofa 101 í Odda
Tími: 29. apríl 2017, kl. 9:30-18:00
Ráðstefna verður haldin við Háskóla Íslands um heimspekileg viðfangsefni Kristjáns Kristjánssonar prófessors við Háskólann í Birmingham þann 29. apríl 2017. Fjallað verður um ólíka þætti í heimspeki Kristjáns, efni sem tengjast henni eða efni í siðfræði eins og fagmennsku eða siðfræði menntunar.
Kristján hefur skrifað mest um siðfræði frá því að hann hóf störf sem lektor í heimspeki við Háskólann á Akureyri árið 1991 og verið mjög afkastamikill. Hann hefur gefið út þrjú ritgerðasöfn á íslensku og sjö bækur á ensku. Fyrsta bók hans á ensku fjallaði um stjórnmálaheimspeki og sú nýjasta um skapgerðamennt Aristótelesar. Fjórar þeirra eru um geðshræringar og tilfinningar með ólíkum hætti. Ein þeirra segir frá jákvæðri sálfræði og setur hann fram hófsama gagnrýni á hana.
Í heimspeki Kristjáns eru margir þættir. Hann skrifaði snemma mikilvæga ritgerð um nytjastefnu á íslensku og síðar beitti hann nytjastefnu til að fjalla um geðshræringar. Hluthyggja hefur verið þáttur í heimspeki Kristjáns frá upphafi og hann hefur alltaf beitt þeirri aðferð í heimspeki sem hefur verið nefnd rökgreining. Á seinni árum hefur hann mest fjallað um Aristóteles og kenningu hans um dygðir og skapgerð. Það er óhætt að segja að hann sé orðinn leiðandi í heiminum í túlkun skapgerðarkenningar Aristótelesar með nýjustu bók sinni frá árinu 2015.
Ráðstefnan verður haldin á vegum Siðfræðistofnunar, Háskólans á Akureyri og Menntavísindasviðs.
Dagskrá ráðstefnunar má sjá hér til hliðar og opna á PDF-sniði hér.
Ný stjórn félagsins
Aðalfundur Félags heimspekikennara var haldinn í Garðabæ laugardaginn 8. október. Átta félagar mættu á fundinn. Jón Thoroddsen, heimspekikennari í Laugalækjarskóla, sagði stuttlega frá nýútkominni bók og ný stjórn bauð sig fram. Í henni sitja Brynhildur Sigurðardóttir (formaður), Ragnheiður Eiríksdóttir (gjaldkeri) og Jón Thoroddsen (ritari). Fráfarandi stjórn gerði grein fyrir verkum sínum og Arnar Elísson og Skúli Pálsson fá þakkir fyrir sín störf fyrir félagið. Reikningar voru ekki lagðir fram vegna tæknilegra erfiðleika en verða sendir félagsmönnum í tölvupósti til samþykktar eins fljótt og auðið er.
Ný stjórn sér fram á nokkur verkefni á komandi starfsári:
1. Halda málþing um nýtt kennsluefni í heimspekikennslu á hausti
2. Halda norræna ráðstefnu um hagnýta heimspeki að vori
3. Lobbíera vegna skertra möguleika á styrkjum
4. Vinna að því að gera félagið virkara og sýnilegra en undanfarið.
—
Saving...