UA-33608878-1

May 29

Norræn ráðstefna um praktíska heimspeki, 9.-10. júní 2017

Landakotsskóli

Landakotsskóli

Dagana 9.-10. júní stendur Félag heimspekikennara að norrænni ráðstefnu um praktíska heimspeki. Á ráðstefnunni verða haldnar gagnvirkar vinnustofur og fara þær allar fram á ensku.

Ráðstefnan, sem haldin verður á ensku, fer fram í húsakynnum Landakotsskóla, Túngötu 15 í Reykjavík, og er aðgangur að henni ókeypis, en nauðsynlegt er að skrá sig á skráningarsíðu ráðstefnunnar: http://heimspekitorg.is/events/the-7th-nordic-conference-on-philosophical-practice/

Dagskrá ráðstefnunnar verður sem hér segir:

Föstudagurinn 9. júní

kl. 16:30 – Ólafur Páll Jónsson – inngangsfyrirlestur:
Humanity as a layer: What is below?

kl. 17:15 Michael Noah Weiss – aðalfyrirlestur:
A Stoic imagery exercise about universal nature

kl. 18:00 – léttar veitingar

Laugardagurinn 10. júní

kl. 10:00 – Hildigunnur Sverrisdóttir – aðalfyrirlestur:
Philosophy and man-made environment

kl. 11:00 – kaffihlé

kl. 11:15 – Einar Kvaran – Philosophy, nature and flattery

kl. 12:15 – matarhlé

kl. 13:00 – Sigríður Þorgeirsdóttir – aðalfyrirlestur:
Philosophical practice and experiential, embodied knowledge.
Reflections on Eugene Gendlin´s method of philosophical practice

kl. 14:15 – kaffihlé

kl. 14:30 – Elsa Haraldsdóttir – Natural philosopher

– – – – – – – – – – – – – – – – – – – – – – – – –

kl. 15:30 – Farið í gönguferð

kl. 19:00 – Kvöldverður í Reykjavík

Permanent link to this article: http://heimspekitorg.is/norraen-radstefna-um-praktiska-heimspeki-9-10-juni-2017/

May 10

Námskeið: Innleiðing heimspekilegrar samræðu í daglega kennslu

Jason Buckley - The Philosophy ManLaugardaginn 20. maí er námskeið í Garðaskóla á vegum Félags heimspekikennara. Breski heimspekikennarinn Jason Buckley leiðbeinir kennurum um hvernig þeir geta innleitt heimspekileg viðfangsefni og samræðu í daglega kennslu. Buckley er hress og býr til mjög flott kennsluefni, kallar sig Philosophy Man og er með vefinn: http://www.thephilosophyman.com/.

Námskeiðið kostar 10.000 krónur og stendur yfir milli kl. 9-16. Matur er innifalinn.

Skráning fer fram í gegnum netfangið heimspekikennarar@gmail.com.

Permanent link to this article: http://heimspekitorg.is/namskeid-innleiding-heimspekilegrar-samraedu-i-daglega-kennslu/

Apr 20

Geðshræringar, skapgerð, sjálf og frelsi: Ráðstefna um heimspekileg viðfangsefni Kristjáns Kristjánssonar, 29. apríl

Ráðstefna um heimspekileg viðfangsefni Kristjáns Kristjánssonar, 29. apríl 2017

Ráðstefna um heimspekileg viðfangsefni Kristjáns Kristjánssonar, 29. apríl 2017

Staður: Háskóli Íslands, stofa 101 í Odda

Tími: 29. apríl 2017, kl. 9:30-18:00

Ráðstefna verður haldin við Háskóla Íslands um heimspekileg viðfangsefni Kristjáns Kristjánssonar prófessors við Háskólann í Birmingham þann 29. apríl 2017. Fjallað verður um ólíka þætti í heimspeki Kristjáns, efni sem tengjast henni eða efni í siðfræði eins og fagmennsku eða siðfræði menntunar.

Kristján hefur skrifað mest um siðfræði frá því að hann hóf störf sem lektor í heimspeki við Háskólann á Akureyri árið 1991 og verið mjög afkastamikill. Hann hefur gefið út þrjú ritgerðasöfn á íslensku og sjö bækur á ensku. Fyrsta bók hans á ensku fjallaði um stjórnmálaheimspeki og sú nýjasta um skapgerðamennt Aristótelesar. Fjórar þeirra eru um geðshræringar og tilfinningar með ólíkum hætti. Ein þeirra segir frá jákvæðri sálfræði og setur  hann fram hófsama gagnrýni á hana.

Í heimspeki Kristjáns eru margir þættir. Hann skrifaði snemma mikilvæga ritgerð um nytjastefnu á íslensku og síðar beitti hann nytjastefnu til að fjalla um geðshræringar. Hluthyggja hefur verið þáttur í heimspeki Kristjáns frá upphafi og hann hefur alltaf beitt þeirri aðferð í heimspeki sem hefur verið nefnd rökgreining. Á seinni árum hefur hann mest fjallað um Aristóteles og kenningu hans um dygðir og skapgerð. Það er óhætt að segja að hann sé orðinn leiðandi í heiminum í túlkun skapgerðarkenningar Aristótelesar með nýjustu bók sinni frá árinu 2015.

Ráðstefnan verður haldin á vegum Siðfræðistofnunar, Háskólans á Akureyri og Menntavísindasviðs.

Dagskrá ráðstefnunar má sjá hér til hliðar og opna á PDF-sniði hér.

Permanent link to this article: http://heimspekitorg.is/gedshraeringar-skapgerd-sjalf-og-frelsi-radstefna-um-heimspekileg-vidfangsefni-kristjans-kristjanssonar-29-april/

Oct 09

Ný stjórn félagsins

Félag heimspekikennara_webAðalfundur Félags heimspekikennara var haldinn í Garðabæ laugardaginn 8. október. Átta félagar mættu á fundinn. Jón Thoroddsen, heimspekikennari í Laugalækjarskóla, sagði stuttlega frá nýútkominni bók og ný stjórn bauð sig fram. Í henni sitja Brynhildur Sigurðardóttir (formaður), Ragnheiður Eiríksdóttir (gjaldkeri) og Jón Thoroddsen (ritari). Fráfarandi stjórn gerði grein fyrir verkum sínum og Arnar Elísson og Skúli Pálsson fá þakkir fyrir sín störf fyrir félagið. Reikningar voru ekki lagðir fram vegna tæknilegra erfiðleika en verða sendir félagsmönnum í tölvupósti til samþykktar eins fljótt og auðið er.

Ný stjórn sér fram á nokkur verkefni á komandi starfsári:
1. Halda málþing um nýtt kennsluefni í heimspekikennslu á hausti
2. Halda norræna ráðstefnu um hagnýta heimspeki að vori
3. Lobbíera vegna skertra möguleika á styrkjum
4. Vinna að því að gera félagið virkara og sýnilegra en undanfarið.

Permanent link to this article: http://heimspekitorg.is/ny-stjorn-felagsins/

Apr 10

Aðalfundur 9. maí

AFélag heimspekikennara_webðalfundur félags heimspekikennara fer fram í Öldutúnsskóla í Hafnarfirði laugardaginn 9. maí næstkomandi kl. 12.30-13.30. Á fundinum verður kosinn nýr formaður, ný stjórn, farið yfir verkefni starfsársins og fjármál auk annarra aðalfunda starfa.

Permanent link to this article: http://heimspekitorg.is/adalfundur-9-mai/

Dec 01

Heimspekileg fjársjóðsleit

coffee-and-booksMiðvikudaginn 3. desember kl. 20-22 mun Ólafur Páll Jónsson heimspekingur bjóða í spjall og segja frá bók sinni Fjársjóðsleit í Granada. Kvöldkaffi verður í boði og allir eru velkomnir.

Permanent link to this article: http://heimspekitorg.is/heimspekileg-fjarsjodsleit/

Dec 01

Málþing um gagnrýna hugsun og menntun

Hugleiðingar-um-gagnrýna-hugsun-net-3Málþing um gagnrýna hugsun og menntun verður haldið í Hannesarholti þriðjudaginn 2. desember kl. 20.00. Málþingið er haldið í tilefni af því að nýlega kom út bókin Hugleiðingar um gagnrýna hugsun: Gildi hennar og gagnsemi eftir heimspekingana Henry Alexander Henrysson og Pál Skúlason.  Athyglinni verður sérstaklega beint að hlutverki gagnrýninnar hugsunar í menntun. Read the rest of this entry »

Permanent link to this article: http://heimspekitorg.is/malthing-um-gagnryna-hugsun-og-menntun/

Oct 20

Heimsókn til heimspekikennara

johann_bjornssonFélag heimspekikennara býður í heimsókn til heimspekikennara. Jóhann Björnsson kennari við Réttarholtsskóla ætlar að segja frá því sem hann gerir í heimspekikennslu með 8. – 10. bekkingum. Í skólanum er heimspeki skylda í 8. bekk og val í 9. og 10. bekk. Jóhann hefur gefið út skemmtilegt og afar hagnýtt námsefni á síðustu misserum og upplýsingar um það má t.d. lesa á bloggsíðu hans: http://heimspekismidja.wordpress.com/

 

Tími: fimmtudagurinn 6. nóvember 2014 kl. 20-22

Staður: Réttarholtsskóli við Réttarholtsveg í Reykjavík.

Permanent link to this article: http://heimspekitorg.is/heimsokn-til-heimspekikennara-2/

Oct 18

Til hvers heimspeki? Aftanspjall…

philosophyshirt2-300x300Aftanspjall Félags áhugamanna um heimspeki  verður haldið þann 22. október. Samræðan hefst klukkan 19:30 og mun fara fram á veitinga- og skemmtistaðnum Bast, Hverfisgötu 20 (á móti Þjóðleikhúsinu).

Frummælendur verða Börkur Gunnarsson, Salvör Nordal og Brynhildur Sigurðardóttir sem munu leitast við að svara spurningu kvöldsins: Til hvers heimspeki? Öll eru þau heimspekimenntuð en hafa valið sér ólíkan starfsvettvang og fáum við þau til að deila með áheyrendum hvernig heimspekinámið hefur nýst þeim í þeirra störfum. Hvert telja þau hlutverk heimspekinnar vera eða geta orðið fyrir utan hið fræðilega svið.

Jakob Guðmundur Rúnarsson, doktorsnemi í heimspeki, stýrir fundinum . Read the rest of this entry »

Permanent link to this article: http://heimspekitorg.is/hvad-er-heimspeki-aftanspjall/

Sep 17

Heimsókn til heimspekikennara

Félag heimspekikennaraFélag heimspekikennara býður í heimsókn til heimspekikennara. Arnar Elísson kennari við Framhaldsskólann í Mosfellsbæ segir frá því sem hann gerir í heimspekiáföngum skólans. Hann mun tala um hvernig hann skipuleggur áfanga, hvaða lesefni hann setur fyrir og hvernig hann hagar kennslunni almennt. Í FMos er verið að þróa leiðsagnarmat og námið allt er verkefnamiðað. Arnar segir sjálfur að hér verði um játningar kennarans að ræða.

Tími: Miðvikudaginn 24. september kl. 20-22

Staður: Framhaldsskólinn í Mosfellsbæ, Bjarkarholti 5, Mosfellsbæ

 

Permanent link to this article: http://heimspekitorg.is/heimsokn-til-heimspekikennara/

Older posts «