Í nýlegri grein Henrys Alexanders Henryssonar og Elsu Haraldsdóttur sem birtist í veftímaritinu Netlu er leitast við að skýra stöðu heimspekikennslu og gagnrýnnar hugsunar í íslenska skólakerfinu. Hugmyndir Íslendinga um stöðu heimspekinnar eru ræddar með hliðsjón af könnun sem gerð var á vegum Menningarmálastofnunar Sameinuðu þjóðanna, UNESCO. Spurt er hverjar séu raunhæfar vonir og væntingar um eflingu gagnrýnnar hugsunar og heimspeki í íslenskum skólum.
Category: Fréttir
Ný Aðalnámskrá til umsagnar
Kæru félagar,
Á vef Mennta- og menningarmálaráðuneytis hafa verið birt drög að
námssviða- og námsgreinahluta nýrrar aðalnámskrár grunnskóla.
Ég hvet félagsmenn til að kynna sér þau, og legg til að markvisst verði
efnt til umræðu um þau á fundum félagsins í sumar. Continue reading Ný Aðalnámskrá til umsagnar
Fréttir af aðalfundi
Aðalfundur félags heimspekikennara var haldinn í Verzlunarskóla Íslands laugardaginn 9. júní. Félagið vex hægt og þétt og Ármann Halldórsson fráfarandi formaður þakkaði það góðu félagsstarfi og vexti í heimi heimspekikennslunnar á Íslandi. Fundurinn hófst með skemmtilegu námskeiði Jóhanns Björnssonar sem miðlaði af fjölbreyttri reynslu sinni af heimspekikennslu.
Helstu fréttir af aðalfundinum eru þessar:
- Ármann Halldórsson flutti skýrslu um störf félagsins á liðnu starfsári og sagði síðan af sér formennsku. Í stað hans var Kristian Guttesen kosinn formaður. Félagsmenn þakka Ármanni vel unnin störf. Hann á mestan heiður að því að endurvekja starfsemi félagsins og halda henni gangandi síðustu ár. Á síðasta ári ber hæst að félagið hélt heimspekilegar æfingar sem eru vettvangur til að æfa sig í samræðu. Félagið hélt heimspekikvöld með Hauki Inga Jónassyni og tók þátt í framkvæmd tveggja námskeiða fyrir heimspekikennara sem haldin voru í Garðabæ. Stjórn félagsins gaf umsögn um umsóknir í þróunarsjóð námsgagna og er ánægð með útkomuna úr sjóðnum en tveir aðilar fengu styrk til námsefnisgerðar fyrir heimspekikennslu.
Fréttabréf júní 2012
Nýtt fréttabréf heimspekikennara er komið út. Meðal efnis eru fréttir af heimspekikennslu í Norðlingaskóla, upplýsingar um námskeið í heimspekikennslu í sumar og verkefni um spurningar.
Aðalfundur 9. júní
Aðalfundur félags heimspekikennara verður haldinn laugardaginn 9. júní 2012 kl. 13.00-16.30 á kennarastofu Verzlunarskóla Íslands, Ofanleiti 1 í Reykjavík. Dagskrá hefst með námskeiði Jóhanns Björnssonar heimspekikennara í Réttarholtsskóla. Eftir kaffihlé verður síðan aðalfundur haldinn með hefðbundinni dagskrá.
Námskeið: gagnrýnin hugsun og siðfræði í kennslu
Endurmenntun Háskóla Íslands heldur námskeiðið Gagnrýnin hugsun og siðfræði í framhaldsskólakennslu 14.-16. ágúst næstkomandi. Kennarar eru Páll Skúlason og Henrý Alexander Henrýsson. Skráning fer fram á vef Endurmenntunar.
Námskeið fyrir börn sumar 2012
Sumarið 2012 geta börn og unglingar komist á nokkur heimspekinámskeið hjá reyndum kennurum. Í Háskóla unga fólksins verða tvö námskeið og Sigurlaug Hreinsdóttir mun kenna vikulöng námskeið fyrir 5-13 ára börn. Continue reading Námskeið fyrir börn sumar 2012
Rökfræði fyrir heimspekikennara
Catherine McCall heimspekingur og kennari í Skotlandi er að undirbúa rökfræðinámskeið fyrir heimspekikennara. Staður, tími og verð námskeiðsins er enn ekki ákveðið en Catherine er að kanna áhuga á námskeiði af þessu tagi. Eru einhverjir kennarar á Íslandi sem hafa áhuga á þátttöku í slíku námskeiði? Þá er upplagt að ýta á “like” hér að neðan. Continue reading Rökfræði fyrir heimspekikennara
FRESTAÐ – Heimspekileg æfing 9. maí
Heimspekilegri æfingu sem boðað var til 9. maí hefur verið frestað vegna veikinda leiðbeinanda. Nýr tími verður auglýstur fljótlega.
Fréttabréf
Í vor hefur ritstjórn Heimspekitorgsins gert tilraun við að setja upp tölvupóst fréttabréf fyrir heimspekikennara. Fréttabréfið er sent út í upphafi hvers mánaðar og segir fréttir af starfi félags heimspekikennara. Í hverju fréttabréfi eru líka tenglar inn á verkefnabanka Heimspekitorgsins sem geymir heimspekiverkefni fyrir nemendur á öllum aldri og kennsluleiðbeiningar af ýmsu tagi. Fyrsta fréttabréfið má skoða hér og tengla inn á gömul fréttabréf má alltaf nálgast á heimspekitorginu.
Hér má skrá sig í áskrift að fréttabréfinu. Það kostar ekki neitt og auðvelt er að skrá sig úr áskrift ef þess er óskað seinna meir.
—
Saving...