Author: Kristian Guttesen

Heimspekispjall í Hannesarholti, mánudagskvöldið 9. september klukkan 20:00

Siðfræðikennsla

Salvör Nordal

Í þessu fyrsta heimspekispjalli vetrarins í Hannesarholti munu Salvör Nordal og Henry Alexander Henrysson fást við spurningar um möguleika og mikilvægi siðfræðikennslu. Salvör fjallar um kennslu í hagnýttri siðfræði þar sem umdeild og viðkvæm siðferðileg álitamál eru til umræðu. Í erindi sínu skoðar Henry mismunandi birtingarmyndir siðfræðikennslu, til dæmis á ólíkum skólastigum, og spyr hvort kennsla í siðfræði geti verið kennsla í siðferði.

Henry Alexander Henrysson

Heimspekispjallið er haldið í samstarfi við verkefnið Gagnrýnin hugsun og siðfræði í skólum.

*

Hannesarholt er sjálfseignarstofnun sem er starfrækt í gömlu og fallegu húsi að Grundarstíg 10 í miðborg Reykjavíkur. Markmið stofnunarinnar er að efla jákvæða, gagnrýna hugsun í íslensku samfélagi, auka skilning á gildi sögunnar fyrir samtímann og framtíðina og hvetja til uppbyggilegrar umræðu og samveru.

Fréttir af aðalfundi

Laugardaginn 25. maí sl. var aðalfundur Félags heimspekikennara haldinn í Verzlunarskóla Íslands. Morgunninn hófst með að Hildigunnur Sverrisdóttir hélt námskeið fyrir félagsmenn undir yfirskriftinni „Skapandi dvelur manneskjan – er hægt að kenna henni það?“ Hildigunnur er aðjúnkt og fagstjóri í arkitektúr. Hún kennir við Hönnunar- og arkitektúrdeild Listaháskóla Íslands og hefur unnið með gagnrýna kenningu og verufræði. Á næstu dögum verður birt greinargerð um námskeið Hildigunnar hér á Heimspekitorgi.

Continue reading Fréttir af aðalfundi

Rætt um lýðræði í skólastarfi

Jóhann BjörnssonÍ nýrri aðalnámskrá eru nefndir nokkrir grunnþættir sem einkenna eiga skólastarf framtíðarinnar. Einn af þessum grunnþáttum er lýðræði. Skólastarf skal einkennast af lýðræðislegum starfsháttum. Ekki er alveg ljóst hvað við er átt, en einhverjar hugmyndir eru samt uppi.

Á nýafstöðnu málþingi Félags heimspekikennara, sem haldið var í Réttarholtsskóla 13. apríl 2013, flutti Jóhann Björnsson erindi undir yfirskriftinni „Kennslustund í lýðræði eða lýðræðisleg kennslustund?“ en þar ræddi hann hugsanlegar leiðir til að iðka lýðræði í skólastofunni. Continue reading Rætt um lýðræði í skólastarfi

Kvenheimspekingakaffi fimmtudaginn 18. apríl, kl. 15: Martha Nussbaum

Næsti kvenheimspekingur sem verður kynntur í röðinni Kvenheimspekingar koma í kaffi er Martha Nussbaum (f. 1947). Vilhjálmur Árnason mun kynna heimspeki Nussbaums fimmtudaginn 18.4., kl. 15 í Árnagarði 201.

Martha Nussbaum er einn þekktasti núlifandi heimspekingur Bandaríkjanna. Hún hefur víða komið við en hóf feril sinn með rannsóknum á heimspeki fornaldar. Hún hefur einstakt lag á að miðla þessum arfi til breiðs hóps og verið óþreytandi við að boða mikilvægi húmanískrar menntunar. Continue reading Kvenheimspekingakaffi fimmtudaginn 18. apríl, kl. 15: Martha Nussbaum

Heimspekikaffi í Gerðubergi 17. apríl, kl. 20: Líf | Dauði

Heimspekikaffi í Gerðurbergi 17. apríl, kl. 20: Líf | Dauði

Viðhorf til lífs og dauða verða í brennidepli á heimspekikaffi í Gerðubergi miðvikudaginn 17. apríl. Gunnar Hersveinn heimspekingur og Bjarni Randver Sigurvinsson guðfræðingur efna til umræðu um líf og dauða út frá mörgum og stundum óvæntum sjónarhornum.

„Lífið er undirbúningur fyrir dauðann,“ sagði Sókrates forðum en hvað átti hann við? Hver er afstaða austrænna trúarbragða til dauðans t.d. hindúisma og búddisma? Hvernig birtist afstaða manna til dauðans í útfararsiðum? Hvaða merkingu leggja einstök trúarbrögð í dauðann? Er hægt að segja að sérhver siður svari því með skýrum hætti eða gefi mörg svör við ráðgátunni um dauðann?

Continue reading Heimspekikaffi í Gerðubergi 17. apríl, kl. 20: Líf | Dauði

Viðtal við Elsu Björgu Magnúsdóttur og Jóhann Björnsson á Útvarpi Sögu í tengslum við málþing Félags heimspekikennara sem haldið verður á morgun 13. apríl, kl. 13

Elsa Björg MagnúsdóttirÁ morgun stendur Félag heimspekikennara fyrir málþingi um innleiðingu tveggja grunnþátta í þverfaglegu skólastarfi, annars vegar lýðræði og mannréttindi og hins vegar jafnrétti.

Félag heimspekikennara er fagfélag kennara á öllum skólastigum og er meginmarkmið þess að efla samstarf heimspekikennara í skólum og þeirra sem starfa við æskulýðsstarf á öðrum vettvangi, sem og að vinna að eflingu heimspekikennslu hérlendis með því að vera ráðgefandi aðili gagnvart fræðslu- og skólayfirvöldum um tilhögun heimspekikennslu í leikskólum, grunnskólum og framhaldsskólum.

Katrín Jakobsdóttir, mennta- og menningarmálaráðherra, setur málþingið. Jóhann BjörnssonDagskrána má sjá neðst í þessari færslu.

Í gær fimmtudaginn 11. apríl 2013 mættu tveir fulltrúar Félags heimspekikennara, þau Elsa Björg Magnúsdóttir og Jóhann Björnsson, í ítarlegt og skemmtilegt viðtal á Útvarpi Sögu um efni og tildrög málþingsins. Hægt er að hlusta á viðtalið hér.

Continue reading Viðtal við Elsu Björgu Magnúsdóttur og Jóhann Björnsson á Útvarpi Sögu í tengslum við málþing Félags heimspekikennara sem haldið verður á morgun 13. apríl, kl. 13

Sumarnámskeið fyrir framhaldsskólakennara: Gagnrýnin hugsun og grunnþættir menntunar

Félag heimspekikennara stendur í samstarfi við Endurmenntun Háskóla Íslands fyrir sumarnámskeiði um gagnrýna hugsun og grunnþætti menntunar.

Námskeiðið er einkum ætlað framhaldsskólakennurum til að skerpa á og styðja við þá stefnumótun sem ný aðalnámskrá framhaldsskóla hefur í för með sér, og skýra tengsl gagnrýninnar hugsunar við grunnþætti menntunar í henni. Continue reading Sumarnámskeið fyrir framhaldsskólakennara: Gagnrýnin hugsun og grunnþættir menntunar

Mennta- og menningarmálaráðherra setur málþing um innleiðingu grunnþáttanna lýðræði, mannréttindi og jafnrétti

Katrín JakobsdóttirMennta- og menningaramálaráðherra, Katrín Jakobsdóttir, setur málþing Félags heimspekikennara sem haldið verður í Réttarholtsskóla laugardaginn 13. apríl.

Á morgun, fimmtudaginn 11. apríl kl. 16, verða tveir fulltrúar málþingsins, Elsa Björg Magnúsdóttir og Jóhann Björnsson, í viðtali um efni málþingsins á Útvarpi Sögu.

Dagskrá málþingsins er sem hér segir:

  • Elsa Björg Magnúsdóttir: Raunverulegt gildismat?
  • Ingimar Waage: Viðhorf kennara til lýðræðis í grunnskólastarfi
  • Jóhann Björnsson: Kennslustund í lýðræði eða lýðræðisleg kennslustund?
  • Kristín Dýrfjörð: Er ekki bölvað vesen að tengja grunnþáttinn lýðræði öðrum grunnþáttum?
  • Ólafur Páll Jónsson: Lýðræði og mannréttindi sem grunnþáttur: Viðmið, markmið eða aðferð?
  • Sigurlaug Hreinsdóttir: Samhljómur lýðræðisins

Málþingið er öllum opið og hefst kl. 13. Aðgangur er ókeypis.

Erindi á vegum Rannsóknarstofu um skóla án aðgreiningar og Þjóðminjasafns Íslands haldið fimmtud. 11. apríl kl. 16:10

Ólafur Páll JónssonHeiti erindisins er: Aðgengismál: Útsýnið handan þröskuldarins

Dr. Ólafur Páll Jónsson heimspekingur og dósent við Menntavísindasvið Háskóla Íslands, Snædís Rán Hjartardóttir og Áslaug Ýr Hjartardóttir flytja erindið. Þær Snædís Rán og Áslaug Ýr eru systur og nemendur við M.H. Síðast liðið sumar vöktu þær talsverða athygli fyrir framgöngu sína en þær mynduðu 2/3 af Skyttunum þremur sem gerðu útttekt á aðgengismálum á Laugarveginum. Í erindinu velta þau fyrir sér hvað greiðir fyrir og hvað hindrar aðgengi fatlaðs fólks að skóla og samfélagi. Tími mun gefast fyrir spurningar og umræður. Continue reading Erindi á vegum Rannsóknarstofu um skóla án aðgreiningar og Þjóðminjasafns Íslands haldið fimmtud. 11. apríl kl. 16:10