Fréttabréf heimspekikennara komið út að nýju

Hér birtist nýtt Fréttabréf heimspekikennara. Efst til vinstri (þegar fréttabréfið opnast) er hægt að skrá sig á póstlistann, en einnig er hægt að gerast áskrifandi að fréttabréfinu hér á Heimspekitorginu.

Fram skal tekið að það er alltaf auðvelt að segja upp áskrift að fréttabréfinu og í hverju tölublaði fylgja upplýsingar um hvernig gera megi það.

Við vonumst til að þessu framtaki verði vel tekið og að félagsmenn sendi okkur efni og/eða ábendingar um hvaðeina sem lýtur að viðfangsefni félagsins. Senda má efni og ábendingar á netfangið heimspekikennarar@gmail.com

Ráðgert er að næsta tölublað fréttabréfsins komi út eftir áramót. Hægt er að lesa nýja tölublaðið, sem er hið 17. í röðinni, með því að smella á hlekkinn hér að neðan. Njótið lestrarins!

Fréttabréf heimspekikennara nr. 17, desember 2018

Endurvekjum Fréttabréf heimspekikennara

Á árunum 2012-2013 kom Fréttabréf heimspekikennara reglulega út. Okkur langar að endurvekja það og senda út eitt tölublað fyrir jól 2018 og annað eftir áramót. Síðan munum við taka afstöðu til framhaldsins. Með því að smella á hlekkinn hér að ofan er hægt að skoða eldri tölublöð.

Nú viljum við kalla eftir efni. Okkur langar að heyra hvað félagsmenn okkar eru að fást við. Sendið okkur örstutta línu á netfangið heimspekikennarar@gmail.com, þar sem þið greinið frá ykkar starfi. Eins, megið þið segja frá áhugaverðum póstlistum, greinum og/eða kennsluefni sem þið kunnið að hafa rekist á.

Við reiknum með að senda út fyrsta nýja tölublaðið þ. 1. desember 2018. Hlökkum til að heyra frá okkur og vonumst eftir jákvæðum viðbrögðum.

Kv. Stjórnin

Hvernig er best fyrir kennara að spilla nemendum sínum?

Um viðfangsefni í heimspekitímum

Miðvikudagskvöldið 14. nóvember 2018, kl. 19, heldur Jóhann Björnsson heimspekikennari og doktorsnemi í menntunarfræðum opið fræðsluerindi á vegum Félags heimspekikennari, þar sem hann hyggst kynna útgefnar kennslubækur sínar og aðferðir til að beita þeim í skólastofunni.

Viðburðurinn fer fram í Iðu Zimsen, Vesturgötu 2a, og er opinn öllum kennurum og áhugafólki um heimspeki sem kennsluaðferð.

Hér má skoða viðburðinn á Facebook: https://www.facebook.com/events/1990839334302979/

Endilega merkið við „Going“ og deilið honum sem víðast!

Af aðalfundi Félags heimspekikennara, 27. okt 2018

Aðalfundur Félags heimspekikennara fór fram á Kaffi Laugalæk í dag. Kosin var ný stjórn, en hana skipa:

Skúli Pálsson, formaður
Valur B. Antonsson, varaformaður
Katrín Pálmadóttir Þorgerðardóttir, ritari
Kristian Guttesen, gjaldkeri
Jóhanna Kristín Guðmundsdóttir, meðstjórnandi
Ragnheiður Eiríksdóttir, meðstjórnandi

Varamenn í stjórn:

Guðbjörg R. Jóhannesdóttir
Nanna Hlín Halldórsdóttir

Ráðgert er að félagið standi fyrir málþingi um heimspekilega nálgun á samfélagsfræði í febrúar 2019. Fleiri viðburðir eru í burðarliðnum og er einnig gert ráð fyrir að boðið verði upp námskeið fyrir heimspekikennara á vorönn 2019.

Ný stjórn hlakkar til starfsársins og verða færðar nánari fréttir af starfinu síðar.

Norræn ráðstefna um praktíska heimspeki, 9.-10. júní 2017

Landakotsskóli
Landakotsskóli

Dagana 9.-10. júní stendur Félag heimspekikennara að norrænni ráðstefnu um praktíska heimspeki. Á ráðstefnunni verða haldnar gagnvirkar vinnustofur og fara þær allar fram á ensku.

Ráðstefnan, sem haldin verður á ensku, fer fram í húsakynnum Landakotsskóla, Túngötu 15 í Reykjavík, og er aðgangur að henni ókeypis, en nauðsynlegt er að skrá sig á skráningarsíðu ráðstefnunnar: http://heimspekitorg.is/events/the-7th-nordic-conference-on-philosophical-practice/

Dagskrá ráðstefnunnar verður sem hér segir:

Föstudagurinn 9. júní

kl. 16:30 – Ólafur Páll Jónsson – inngangsfyrirlestur:
Humanity as a layer: What is below?

kl. 17:15 Michael Noah Weiss – aðalfyrirlestur:
A Stoic imagery exercise about universal nature

kl. 18:00 – léttar veitingar

Laugardagurinn 10. júní

kl. 10:00 – Hildigunnur Sverrisdóttir – aðalfyrirlestur:
Philosophy and man-made environment

kl. 11:00 – kaffihlé

kl. 11:15 – Einar Kvaran – Philosophy, nature and flattery

kl. 12:15 – matarhlé

kl. 13:00 – Sigríður Þorgeirsdóttir – aðalfyrirlestur:
Philosophical practice and experiential, embodied knowledge.
Reflections on Eugene Gendlin´s method of philosophical practice

kl. 14:15 – kaffihlé

kl. 14:30 – Elsa Haraldsdóttir – Natural philosopher

– – – – – – – – – – – – – – – – – – – – – – – – –

kl. 15:30 – Farið í gönguferð

kl. 19:00 – Kvöldverður á Reykjanesskaga

Námskeið: Innleiðing heimspekilegrar samræðu í daglega kennslu

Jason Buckley - The Philosophy ManLaugardaginn 20. maí er námskeið í Garðaskóla á vegum Félags heimspekikennara. Breski heimspekikennarinn Jason Buckley leiðbeinir kennurum um hvernig þeir geta innleitt heimspekileg viðfangsefni og samræðu í daglega kennslu. Buckley er hress og býr til mjög flott kennsluefni, kallar sig Philosophy Man og er með vefinn: http://www.thephilosophyman.com/.

Námskeiðið kostar 10.000 krónur og stendur yfir milli kl. 9-16. Matur er innifalinn.

Skráning fer fram í gegnum netfangið heimspekikennarar@gmail.com.

Geðshræringar, skapgerð, sjálf og frelsi: Ráðstefna um heimspekileg viðfangsefni Kristjáns Kristjánssonar, 29. apríl

Ráðstefna um heimspekileg viðfangsefni Kristjáns Kristjánssonar, 29. apríl 2017
Ráðstefna um heimspekileg viðfangsefni Kristjáns Kristjánssonar, 29. apríl 2017

Staður: Háskóli Íslands, stofa 101 í Odda

Tími: 29. apríl 2017, kl. 9:30-18:00

Ráðstefna verður haldin við Háskóla Íslands um heimspekileg viðfangsefni Kristjáns Kristjánssonar prófessors við Háskólann í Birmingham þann 29. apríl 2017. Fjallað verður um ólíka þætti í heimspeki Kristjáns, efni sem tengjast henni eða efni í siðfræði eins og fagmennsku eða siðfræði menntunar.

Kristján hefur skrifað mest um siðfræði frá því að hann hóf störf sem lektor í heimspeki við Háskólann á Akureyri árið 1991 og verið mjög afkastamikill. Hann hefur gefið út þrjú ritgerðasöfn á íslensku og sjö bækur á ensku. Fyrsta bók hans á ensku fjallaði um stjórnmálaheimspeki og sú nýjasta um skapgerðamennt Aristótelesar. Fjórar þeirra eru um geðshræringar og tilfinningar með ólíkum hætti. Ein þeirra segir frá jákvæðri sálfræði og setur  hann fram hófsama gagnrýni á hana.

Í heimspeki Kristjáns eru margir þættir. Hann skrifaði snemma mikilvæga ritgerð um nytjastefnu á íslensku og síðar beitti hann nytjastefnu til að fjalla um geðshræringar. Hluthyggja hefur verið þáttur í heimspeki Kristjáns frá upphafi og hann hefur alltaf beitt þeirri aðferð í heimspeki sem hefur verið nefnd rökgreining. Á seinni árum hefur hann mest fjallað um Aristóteles og kenningu hans um dygðir og skapgerð. Það er óhætt að segja að hann sé orðinn leiðandi í heiminum í túlkun skapgerðarkenningar Aristótelesar með nýjustu bók sinni frá árinu 2015.

Ráðstefnan verður haldin á vegum Siðfræðistofnunar, Háskólans á Akureyri og Menntavísindasviðs.

Dagskrá ráðstefnunar má sjá hér til hliðar og opna á PDF-sniði hér.

Kvenheimspekingakaffi: Onora O’Neill – 27. mars, kl. 15 í Árnagarði 301

Onora O'Neill
Onora O’Neill
Næsta kvenhheimspekingakaffi verður tileinkað Onoru O’Neill en það er Salvör Nordal sem kynnir hana næsta fimmtudag, 27. mars., kl. 15 í Árnagarði stofu 301.

Onora O’Neill er fædd á Norður Írland og á að baki glæsilegan akademískan feril. Hú stundaði nám við Oxford háskóla og Harvard háskóla þaðan sem hún lauk doktorsnámi undir leiðsögn hins merka stjórnmálaheimspekings John Rawls. Hún hefur kennt við fjölmarga háskóla í Bretlandi og Bandaríkjunum m.a. kennt um árabil við Cambridge háskóla. Þá hefur hún gegnt margvíslegum trúnaðarstörfum og verið fulltrúi í bresku lávarðadeildinni frá 1999. Continue reading Kvenheimspekingakaffi: Onora O’Neill — 27. mars, kl. 15 í Árnagarði 301

Kvenheimspekingakaffi – Heimspeki Mariu Zambrano

Maria Zambrano
Verið velkomin í Kvenheimspekingakaffi á fimmtudag, 13. mars, kl. 15 í Árnagarði 301.
Jón Ragnar Ragnarsson mun fjalla um heimspeki Mariu Zambrano.

Maria Zambrano fæddist árið 1901 í Velez, Malaga á Spáni. Zambrano var merkur heimspekingur og rithöfundur sem lét eftir sig mikið safn rita. Hún tók virkan þátt í starfi lýðræðissinna á tímum borgarastyrjaldarinnar og fluttist úr landi eftir að falangistar komust til valda árið 1939. Zambrano flutti ekki aftur heim til Spánar fyrr en eftir 45 ára útlegð í Mexíkó, Puerto Rico, Kúbu, Ítalíu og víðar. Skrif hennar eru nátengd reynslu hennar í borgarastríðinu og þeirri atburðarrás sem fylgdi í kjölfarið. Aðskilnaður við vini og fjölskyldu, fátækt og veikindi reyndust henni innblástur í heimspekinni sem hún gagnrýndi fyrir að hafa glatað tengslum við veruleikann. Zambrano fékk Cervantes verðlaunin árið 1988. Continue reading Kvenheimspekingakaffi — Heimspeki Mariu Zambrano