UA-33608878-1

Print this Page

Um

Félag heimspekikennara er fagfélag kennara á öllum skólastigum.

Tilgangur félagsins er:

  1. Að efla samstarf heimspekikennara í leikskólum, grunnskólum og framhalds­skólum og þeim sem starfa við æskulýðsstarf á öðrum vettvangi,  m.a. með því að vera vettvangur fyrir skoðanaskipti um heimspekikennslu.
  2. Að vinna að eflingu heimspekikennslu hérlendis með því að vera ráðgefandi aðili gagnvart fræðslu- og skólayfirvöldum um tilhögun heimspekikennslu í leikskólum, grunnskólum og framhaldsskólum.
  3. Að hafa forgöngu um endurmenntunarnámskeið og aðra fræðslustarfsemi  eftir því sem við á.
  4. Að vera þátttakandi í umræðu um skólaþróun og beita sér fyrir auknum þætti heimspekilegra viðhorfa í því samhengi.

Sögubrot

Félag heimspekikennara var stofnað 1996 af starfandi heimspekikennurum á ýmsum skólastigum. Fyrstu starfsárin  tók félagið þátt í endurskoðun Aðalnámskráa fyrir leik-, grunn- og framhaldsskóla. Guðrún Hólmgeirsdóttir var fyrsti formaður félagsins. Starfsemi félagsins lá síðan niðri um árabil en sumarið 2009 vaknaði það aftur til lífsins og þá var Ármann Halldórsson kosinn formaður.

Félagið vinnur að ýmsum verkefnum með það fyrir augum að efla heimspekikennslu á öllum skólastigum. Nefndir á vegum félagsins vinna að þróun námskrár og undirbúningi námskeiða og annarra atburða. Fulltrúar félagsins skiluðu álitum til  Mennta- og menningarmálaráðuneytis vegna endurskoðunar Aðalnámskrár leik-, grunn- og framhaldsskóla 2011. Einnig skilaði félagið álitsgerð vegna frumvarps á Alþingi 2011 um að gera heimspeki að skyldunámsgrein. Skjöl sem félagið sendir frá sér má nálgast hér.

Haustið 2010 komst Heimspekikaffihúsið á legg fyrir atorku nokkurra meðlima. Félagsmenn byrjuðu að halda heimspekilegar æfingar sumarið 2011 og tilgangur þeirra var að áhugasamir fengju vettvang til að prófa ný heimspekiverkefni og kennsluaðferðir.

Félag heimspekikennara stóð að námskeiði með franska heimspekingnum Oscar Brenifier í Garðaskóla haustið 2010. Í mars 2012 stóð félagið að komu Lizu Haglund frá Södertörn Högskola í Stokkhólmi. Hún hélt opinn fyrirlestur um hlutverk heimspeki í skólunum og í kjölfarið helgarnámskeið í Garðaskóla.

Í ársbyrjun 2011 var heimasíðan Heimspekitorg.is opnuð. Ritstjórn síðunnar er skipuð félagsmönnum. Vorið 2012 fengu fjórir félagsmenn styrk frá Mennta- og menningarmálaráðuneytinu til að semja námsefni fyrir heimspekikennslu í leik- og grunnskólum. Skilyrði af hálfu ráðuneytisins var að efnið væri rafrænt og aðgengilegt á vefnum og því taldi hópurinn upplagt að nýta krafta sína í að byggja upp verkefnabanka Heimspekitorgsins.

Permanent link to this article: http://heimspekitorg.is/um-okkur/

Aðild að félaginu

Þeir sem rétt eiga á aðild í Félagi heimspekikennara eru starfandi heimspekikennarar og leiðbeinendur í framhaldsskólum, grunnskólum og leikskólum svo og þeir sem hafa kennsluréttindi í heimspeki. Stjórn félagsins samþykkir nýja félaga en aðalfundur sker úr um vafaatriði. Til að gerast félagi skaltu senda tölvupóst til félagsins. Nauðsynlegt er að skrifa kennitölu í póstinum. Gott …

View page »

Lög félags heimspekikennara

Félagið heitir: Félag heimspekikennara. Félagar geta orðið starfandi heimspekikennarar og –leiðbeinendur og  kennarar sem beita aðferðum í anda heimspekinnar í kennslu sinni.  Félagsstjórn samþykkir nýja félaga en aðalfundur sker úr vafaatriðum. Stjórn félagsins er skipuð að minnsta  kosti þremur mönnum og kosin á aðalfundi félagsins. Formaður er kosinn sérstakri kosningu og situr til tveggja ára …

View page »

Stjórn félagsins

Stjórn félagsins var kosin á aðalfundi 8. október 2016. Formaður er kosinn til tveggja ára. Stjórnarliðar sitja ekki lengur en fjögur ár. Formaður: Brynhildur Sigurðardóttir Ritari: Jón Thoroddsen Gjaldkeri: Ragnheiður Eiríksdóttir —

View page »

Fundargerðir og skýrslur

Stjórn Félags heimspekikennara heldur fundargerðarbók upp á gamla mátann. Bókin er ávallt í vörslu ritara félagsins. Skjöl sem lögð voru fram á aðalfundi Félags heimspekikennara 25. maí 2013: Skýrsla stjórnar (pdf) Efni um heimspekikennslu fyrir Félag heimspekikennara undir flipanum „Heimspekikennsla“ á Heimspekitorgi (pdf) Frostaskjólsverkefnið „Frívaktin“ um forvarnargildi heimspekilegrar samræðu (pdf) Tillaga að lagabreytingu (pdf) Skýrsla …

View page »

Ritstjórn heimspekitorgsins

Ritstjórn heimspekitorgsins semur og uppfærir efni vefsins. Ritstjórnin fagnar öllum ábendingum og hugmyndum og það er velkomið að senda okkur fréttir eða annað efni sem áhugavert gæti verið að birta hér á vef heimspekikennara. Ritstjórnina skipa: Brynhildur Sigurðardóttir, heimspekikennari við Garðaskóla Elsa Haraldsdóttir, M.A. í heimspeki og doktorsnemi við Háskóla Íslands Kristian Guttesen, mastersnemi í …

View page »

Afnot af efni á Heimspekitorginu

Um afnot af verkefnabanka Heimspekitorgsins © Allt efni á Heimspekitorginu er merkt „copyleft” í stað „copyright”. Copyleft er öfugt merki við Copyright. Hugtakið Copyleft á rætur sínar að rekja til forritunar á opnum kóða, þar sem hver sá sem notfærir sér kóða eftir annan skuldbindur sig til að gefa út sína eigin útfærslu (endurgjaldslaust) sem …

View page »